SUPERJOBB
Jobb i Nordfjord
Her er dei spennande stillingane våre medlemsbedrifter har ledige no! Vi oppdaterar denne lista annankvar måndag (partalsveker). Om du ikkje fann stillinga for deg her akkurat no, vil vi gjerne hjelpe deg å finne din plass i Nordfjord. Meld deg inn i Heia Nordfjord som jobbsøkjar, så tek vi direkte kontakt med deg!
@photolads
Bremanger kommune søkjer nye medarbeidarar
Bremanger kommune er ein kystkommune i Sogn og Fjordane med ca. 3.900 innbyggjarar. Kommunen har full barnehagedekning, trygge oppvekstvilkår og eit rikt kulturliv. Her er variert natur med gode tilhøve for eit aktivt friluftsliv.
Kommuna er kjent for sine kvite strender, sjøklipper, høge fjell, fjord, seglingslei, hav og isbre. Eit eldorado av naturopplevingar der været i seg sjølv er verdt å oppleve både i solskin og storm.
@visitnordfjord, foto: Thomas Sagvik
Gloppen kommune har fleire spennande stillingar ute
Gloppen kommune, med Sandane som kommunesenter, har om lag 5.800 innbyggjarar og er ein del av Nordfjord sin felles bu- og arbeidsmarknad på 40 – 50.000 menneske. Flyplassen i Nordfjord – Sandane lufthamn – ligg i Gloppen, og vi har gode kommunikasjonar til resten av fylket og landet.
Gloppen har full barnehagedekning og gode offentlege tenester. Kommunen har i tillegg til grunnskule og kulturskule også folkehøgskule og vidaregåande skule. Vi har flott natur og det er godt tilrettelagt for friluftsliv sommar som vinter. Her er eit stort og aktivt miljø innan musikk, idrett og kultur, og kommunen har vore kåra både som årets kulturkommune og årets musikkommune.
@photolads
Ledige stillingar i Stad kommune
Stad kommune har om lag 9 500 innbyggjarar og ligg i Nordfjord i Vestland fylke. Kommunen vart oppretta 1. januar 2020 då kommunane Eid og Selje og bygdene Maurstad og Bryggja vart slått saman. Kommunen består av fleire livskraftige tettstader og strekkjer seg frå storhavet i vest til fjell- og fjordlandskap i aust. I kommunen finn du Vestkapp, surfemiljø i Hoddevika, Selja kloster, Harpefossen skisenter, vikingsenteret Sagastad, Malakoff rockfestival, Opera Nordfjord og Europas djupaste innsjø, Hornindalsvatnet. Kommunen har ledige bustadtomter, gode kommunale tenester, eit spanande næringsliv og innbyggjarar med initiativ og pågangsmot. Stad kommune har som overordna mål å bli fleire.
Vi treng deg som ønskjer å flytte til kommunen vår, og vi treng deg som har budd ute ei stund og ønskjer å flytte heim. Vi ønskjer å utvikle eit livskraftig og trygt samfunn der vi alle dreg i lag. I Stad kommune vil du møte lokalsamfunn som skil seg ut. Kommunen er stor nok til å gje deg rom og la deg leve ut draumane dine, og liten nok til å sjå deg og ta vare på deg. Vi ønskjer deg med på laget!
@visitnordfjord, Foto: Mattias Fredisksson
Stryn kommune har fleire ledige stillingar
Stryn kommune med sine om lag 7 200 innbyggjarar er sentralt plassert i ein større bu- og arbeidsregion i Nordfjord / Søre Sunnmøre. Her er omfattande turisme, eit rikt kulturliv og gode oppvekstvilkår for born og unge. Det er eit ekspansivt næringsliv med etterspurnad etter ulik type arbeidskraft. Det er gode kommunikasjonar med Oslo, Bergen, Ålesund og Trondheim. Flyplass er Ørsta – Volda eller Sandane med reisetid ca. 1 time.
Omgjevnadene i Stryn kan verkeleg slå pusten ut av ein. Med bratte fossefall, djupe dalar, høge fjell og smaragdgrøne vatn er det ikkje uten grunn at bilete frå Stryn går verden rundt på sosiale medier. Med den storslåtte naturen som arena finst det eit vidt spenn av aktivitetstilbod i heile kommunen.
