Jakta på Superkreftene

LES MEIR

FINN DI SUPERKRAFT!

LES MEIR

FINN DI
SUPERKRAFT!

Nordfjordkompaniet sine fantastiske verdiar og fagleg integritet imponerer meg. Dei er fulle av kjærlighet og godhet, og tankegangen bak deiras nyaste prosjekt Jakten på superkreftene er fantastisk. Utdanningsvalg fungerer for dårleg i Noreg, og eg meiner deira prosjekt vil kunne ha stor overføringsverdi til andre regionar i landet. Med deira gjennomføringsevne har eg stor tru på at dette vil bidra svært positivt for born og unge. Dette er eit prosjekt Noreg må ta seg råd til, vi har rett og slett ikke råd til å la være.
Marco Elsafadi

«Nordfjordkompaniet sine fantastiske verdiar og fagleg integritet imponerer meg. Dei er fulle av kjærlighet og godhet, og tankegangen bak deiras nyaste prosjekt Jakten på superkreftene er fantastisk. Utdanningsvalg fungerer for dårleg i Noreg, og eg meiner deira prosjekt vil kunne ha stor overføringsverdi til andre regionar i landet. Med deira gjennomføringsevne har eg stor tru på at dette vil bidra svært positivt for born og unge. Dette er eit prosjekt Noreg må ta seg råd til, vi har rett og slett ikke råd til å la være.»

Marco Elsafadi

Previous Next

Jakta på Superkreftene

Kva om alle barn og unge fekk moglegheita til å oppdage kva dei verkeleg brenn for – det dei både likar og meistrar? Dette er kjernen i «Jakta på Superkreftene» – eit innovativt konsept som blir utvikla i Nordfjord med ambisjon om å bli ein berekraftig modell for heile Noreg og Europa.

Kva er Jakta-modellen?

Gjennom Jakta-modellen skal vi systematisk auke valkompetansen til barn og ungdom frå dei første leveåra og heilt fram til tidleg yrkesaktiv alder. Vi ønskjer å skape ein unik modell der unge gradvis får utforske eigne interesser, teste ut ulike aktivitetar og lære seg sjølve å kjenne. Målet er klart: Dei skal finne sine superkrefter – det som gjev dei energi, meistring og glede. Og vårt sterke råd til næringslivet er: Tenk langsiktig i rekrutteringa di og hugs at onboardinga startar allereie i barnehagen!

Korleis

For å få dette til, utviklar vi spesifikke konsept for kvart einaste nivå i oppveksten, tilpassa modninga til barna. Samtidig sørgjer vi for at alle interessentane rundt dei – foreldre, skular, næringsliv, offentleg sektor, frivillig sektor med fleire – er koordinerte og opplærte. På denne måten kan vi gi dei unge eit breitt spekter av erfaringar, innsikt i ulike yrke og ein djupare forståing av dei mange valmoglegheitene dei har.

Det beste utgangspunktet

Til sjuande og sist handlar dette om å gi barn og ungdom det beste utgangspunktet for å ta gode val for seg sjølve. Med høg valkompetanse blir unge meir bevisste på eigne styrkar, meir engasjerte i si eiga utvikling og betre rusta til å gå inn i arbeidslivet med både motivasjon og meistring. Dette gagnar ikkje berre dei sjølve – det gir òg næringslivet, kommunane, entreprenørskapen og heile lokalsamfunnet berekraftig tilgang på kompetente, dedikerte og kreative menneske.

Testarena

Nordfjord er testarenaen der vi utviklar, prøver ut og perfeksjonerer Jakta-modellen over dei neste åra. Når vi har fått han etablert skikkeleg her, skal han eksporterast til andre norske og europeiske regionar. Framtida treng unge som er trygge på kven dei er og kva dei vil – og vi startar her og no.

Prosjektet er per i dag støtta av Sparebankstiftinga i Sogn og Fjordane, Vestland fylkeskommune, Nordfjord-kommunane og det lokale næringslivet, og fleire støttespelarar er på veg inn.

Velkomen til Jakta på Superkreftene – saman gjer vi Nordfjord suprare!

Ferieklubb

Vi i Nordfjordkompaniet er på stadig jakt etter dei unike superkreftene hjå borna. Ferieklubben «Jakta på Superkreftene» er ein stad der borna får utforske og oppdage sine individuelle talent og interesser. Målet er klart; å inspirere dei til å følgje sine lidenskapar heilt til vaksen alder og yrkesliv.

Det er ein kjent sanning at det ikkje alltid er enkelt å finne sin eigen superkraft. Mange barn er usikre på kva dei vil bli, kva dei likar, og kva dei er flinke til. Nettopp difor legg ferieklubben stor vekt på å tilby ein stad der leik og læring går hand i hand. Gjennom ulike aktivitetar får borna moglegheit til å utforske eit breitt spekter av tema og yrker. Frå matlaging til snekring, klimabevaring til robotikk, kjemi til koding – det er ein heil verden av moglegheiter å oppdage.

Om du er ein Nordfjording som vil utforske dine superkrefter denne sommaren, er dette ein klubb for deg. Bli med oss på ein spennande reise der du kan oppdage dei skjulte talenta dine, knytte nye venskap, og ta med deg erfaringane vidare i livet. Utforsk, lær og veks med «Jakta på Superkreftene» ferieklubb!

Karrieremesse

I prosjektet vårt Jakta på Superkreftene jobbar vi for at ungdom skal finne sine eigenskapar og bli endå betre kjent med lokalt næringsliv!

Oppgåva er at elevar i 8. klasse skal finne ei bedrift som «matchar» deira interesser/styrker/kvalifikasjonar. Dei kan blant anna velje mellom kreativ, teknisk, praktisk, sosial og teoretisk. Etter dei har valt «si» bedrift skal dei halde karrieremesse der dei representerer denne arbeidsplassen.